તારો ઓઘો કેવો નાનો Taro Ogho Kevo Nano Nano
“મેરુ મહાલય, જેવા મહાવ્રત,
ધરવા તું ચાલી ઉમંગે…
બાલી ઉંમરમાં, વૈરાગી થઈને,
વહેતી તું ત્યાગ તરંગે…"
દુંદુભી બાજે, બાજે મૃદંગમ,
ગાજે ગગનની ગોખ તલે…
જગ આખું નમે, મહાત્યાગ કરે તું,
રંગાઈ સંયમ રંગે…
જય નાદ કરે, ઉજમાળ રહે તું,
ઝૂમે રે ઝૂમે આનંદે… (૨ વાર)
દુંદુભી બાજે…
તારો ઓઘો કેવો નાનો-નાનો,
આપે ઓળખ તારી વીરતાનો,
તું એની પ્રીત ધરજે,
સંયમ કેલી કરજે…
ગુરુકુલવાસ સેવી,
મુક્તિની માળ બરજે…
તું નાની નાની શ્રમણી બનીને શોહે,
તુજ દર્શને લાખો ભવિક મન મોહે…
દુંદુભી બાજે, બાજે મૃદંગમ,
ગાજે ગગનની ગોખ તલે…
જગ આખું નમે, મહાત્યાગ કરે તું,
રંગાઈ સંયમ રંગે…
જય નાદ કરે, ઉજમાળ રહે તું,
ઝૂમે રે ઝૂમે આનંદે…
તારી દિક્ષાનો સંદેશ સુણતાં,
તને ઈન્દ્રો-નરેન્દ્રો રે નમતા,
દિક્ષાના સ્વર્ણ પાને,
તુજ નામ રે લખાશે…
ગુણ-કીર્તિ-યશ તારો,
જિનશાસને ગવાશે…
તું સાધનાની શ્રેણી સદા આરોહે,
તુજ દર્શને લાખો ભવિક મન મોહે….
દુંદુભી બાજે, બાજે મૃદંગમ,
ગાજે ગગનની ગોખ તલે..
જગ આખું નમે, મહાત્યાગ કરે.. તું,
રંગાઈ સંયમ રંગે…
જય નાદ કરે, ઉજમાળ રહે તું,
ઝૂમે રે ઝૂમે આનંદે…
(રચના : જયશ્રીબેન કોઠારી)
ટિપ્પણીઓ નથી:
ટિપ્પણી પોસ્ટ કરો