જે વસ્તુ માં પાણીનો અંશ રહ્યો હોય , કડક શેકાઈ કે તળાઈ ન હોય
નરમ કે પોયી હોય તેવી વસ્તુમાં બીજે દીવસે અસંખ્ય બેઈન્દ્રિય જીવોની ઉત્પત્તિ થાય છે .
તેને વાપરવાથી આ અસંખ્ય જીવોની હિંસાનો દોષ લાગે છે , માટે તેવી વસ્તુઓ અભક્ષ્ય છે .
તમને ખબર છે ? બીજે દિવસે વાસી થતી વસ્તુઓ ?
કાચો માવો , જે લાલ - કડક ન શેકાયો હોય કે જેમાં ચાસણી કાચી રહી હોય ...
કાયા માવાની મિઠાઈઓ - બરફી , પેંડા વિગેરે ...
ત્રણ તારની ચાસણીમાં બનેલી બધી જ મિઠાઈઓ જેમ કે જલેબી , ગુલાબજાંબુ , ઘેબર વિગેરે ...
બુંદી , બુંદીના લાડુ કે ટોપરાપાક પણ કાચી ચાસણીના નરમ હોય તો ...
દૂધની મલાઈ , પનીર , બધી જબંગાળી મિઠાઈઓ ...
શ્રીખંડ , શેકેલો પાપડ , નરમ પુરી , વડા , ચટણી ...
ટામેટાનો સોસ , કાચી ચાસણીના નરમ અથાણા ...
નરમ બિસ્કીઢ - પાઉં ( બ્રેડ ) , દૂધી કે ટોપરાનો હલવો ...
કેરીનો રસ , ઘીમાં નહીં શેકેલું ચુરમું ને તેવા ચુરમાનો લાડવો ...
રાતે આથો નાખ્યો હોય તેવા ઈડલી , ઢોકળા ...
જલેબી વિગેરે , ઠંડા પીણા ( કોલ્ડ્રીંક્સ ) ...
સુધારેલા શાકભાજી , શેરડીનો રસ બે પ્રહર પછી અભક્ષ્ય છે . ( એક પ્રહરઃદિવસનો ચોથો ભાગ )
બજારમાંથી ખરીદાયેલી વસ્તુઓ વાસી હોવાની પૂરેપૂરી શક્યતા છે , જેમ કે કેરીનો રસ , શ્રીખંડ , બંગાળી મિઠાઈ , શરબત , સોસ , પનીર , બેડ , બિસ્કીટ વિ .
બજારું બુંદી , લાડું વિ . કાચી ચાસણીના હોવાની પૂરેપરી શકયતા છે .
મિઠાઈ બનાવ્યા પછી ઠારતી વખતે ક્યારે પાણી - દૂધનો ઉપયોગ ઘાવો દેવા માટે કરાતો હોય છે , તે વસ્તુ પણ બીજે દિવસે વાસી થાય છે .
વધેલી રોટલી તેજ દિવસે શેકી નાખવી જોઈએ . બીજે દિવસે રાખવાથી બેઈન્દ્રિય જીવોની હિંસા થાય છે .
અજ્ઞાન કે દુર્લક્ષના કારણે સંઘમાં બનતી મિઠાઈઓમાં પણ કાયા માવા અને કાચી ચાસણીનો ઉપયોગ થતો જોવાય છે . વિશેષથી બુંદી , લાડુ વિ . માં .
ચુરમાના લાડવા - મૂઠીયા તળી , ચૂરમું કર્યા પછી ધીમાં સેકીને બનાવ્યા હોય તો બીજે દિવસે ભક્ષ છે . જો શેક્યા વિના જ ચુરમાં ધી - સાકર મેળવી દીધા હોય તો બીજે દિવસે વાસી થાય છે .
ધીમાં સાકર નાખીને રાત રાખી મૂકીને બીજે દિવસે શ્રીખંડ બનાવવામાં આવે તે ખપે નહીં .
ટિપ્પણીઓ નથી:
ટિપ્પણી પોસ્ટ કરો