Tu Tare ke na tare Taro sath na
તુ તારે કે ન તારે તારો સાથ ના છોડુ
જે જોડ્યા તુજને હાથ બીજે હાથ ના જોડુ
ચમત્કારો દેખાડી કોઈ મુજને ભરમાવે
વિચારો ક્રાંતિના ફેલાવી કોઈ બહેકાવે
અનાથ સમજીને લાલચમાં કોઈ લપટાવે ( ૨ )
એ માયાવી મૃગજળની પાછળ નાથના દોડ
તુ તારે કે ન તારે . . .
ભલે ને દિવસો આવે ભૂખ્યા તરસ્યા રહેવાના
ભયંકર ઉપસર્ગોને એકીસાથે સહેવાના
કદાચ જગના લોકો મુરખ મુજને કહેવાના ( ૨ )
પણ સમજીને જે લીધો તે સંગાથ ના છોડ
તુ તારે કે ન તારે . . .
ભરોસો છે કે મારો બેડો પાર થઈ જાશે
મને તું વહેલો મોડો સામે પાર લઈ જાશે
તમામ ઝંઝાવાતો ઠંડા થઈને રહી જાશે ( ૨ )
જે મૂક્યો છે તારામાં તે વિશ્વાસ ના તોડું
તુ તારે કે ન તારે . . .
ટિપ્પણીઓ નથી:
ટિપ્પણી પોસ્ટ કરો