રાગ : હે શંખેશ્વર સ્વામી
હે શાસન દેવીમાં , તમે શાસનદેવીમાં
તપસ્વીને આંગણે પધારો (૨ વાર) શાતા કરજો માં
હે શાસન…
અવસરે અવસરે આવીને માં રક્ષા કરજો માં (૨ વાર)
રાતદિવસ એ ઝંખે (૨ વાર) દર્શન દેજો માં
હે શાસન…
ધૂપ જલાવું દીપ જલાવું આંગી રચાવું માં (૨ વાર)
થાળ ભરીને લાવું (૨ વાર) મોતીડે વધાવુ માં
હે શાસન…
ઘરઘર આવી તપસ્યા ઉજાળો શાતા આપો માં (૨ વાર)
આવીને શાસન દીપાવો (૨ વાર) પ્રેમે પધારો માં
હે શાસન…
તોરણ બંધાવું સાથિયા પુરાવું દીપ જલાવું માં (૨ વાર)
કુમકુમ પગલે પધારો (૨ વાર) આશિષ દેજો માં
હે શાસન…
સોના રૂપાના ફૂલડે વધાવું શ્રીફળ ચડાવું માં (૨ વાર)
સંઘ ના બધા ભક્તો (૨ વાર) દર્શન ઝંખે માં
હે શાસન…
ટિપ્પણીઓ નથી:
ટિપ્પણી પોસ્ટ કરો