ત્રણ લોકને ત્રણ કાળમાં, ઉત્તમ આ જિનશાસન છે,
આ શાસન ને મારા તમારા કોટિ કોટિ વંદન છે,
જિનશાસન ને મારા તમારા કોટિ કોટિ વંદન છે…
તિર્થંકર ની ભેટ જે આપે, એવું આ જિનશાસન છે,
ચતુર્વિધ સંઘ ને જન્મ જે આપે, એવું આ જિનશાસન છે,
દ્વાદશાંગિ ના દ્વાર ઉતારે, એવું આ જિનશાસન છે,
આ શાસન ને…
ધન્ના ને આદિનાથ બનાવે, એવું આ જિનશાસન છે,
મરીચિ ને મહાવીર બનાવે, એવું આ જિનશાસન છે,
ઇંદ્રભૂતિ ને ગૌતમ બનાવે, એવું આ જિનશાસન છે,
આ શાસન ને…
મિથ્યાતત્વ ના મૂળ ઉખાડે, એવું આ જિનશાસન છે,
સમ્યક્ત્વ ના ફૂલ ઉગાડે, એવું આ જિનશાસન છે,
જન્મ મરણ ના શુળ મટાડે, એવું આ જિનશાશન છે,
આ શાસન ને…
રત્નત્રયી ના રંગ થી શોભે, એવું આ જિનશાસન છે,
તત્ત્વત્રયી ના સંગ થી શોભે, એવું આ જિનશાસન છે,
આગમ કેરા અંગ થી શોભે, એવું આ જિનશાસન છે,
આ શાસન ને…
ટિપ્પણીઓ નથી:
ટિપ્પણી પોસ્ટ કરો