દેવદ્રવ્ય સામે નજર કરનારાઓને
```આજે કેટલાક દેવદ્રવ્ય માટે કહે છે કે```
_‘ભગવાનની ભક્તિ માટે અર્પિત થયેલું અને ભેગું થતાં થતાં વધી પડેલું દ્રવ્ય બેકાર શ્રાવકોને કેમ ન અપાય ?'_
*આ કેવો પ્રશ્ન ?*
```રાજ્યનાં સેંકડો ખાતાં હોય પણ દરેકનો વહીવટ અલગ જ હોય. તેમ અહીં પણ બંધારણ હોય એ પ્રમાણે જ વપરાય. તેમાં મરજી ન ચાલે.```
_સભા : ‘બંધારણ તો સંઘે જ રચેલું ને ?'_
```હા ! પણ સંધ કોણે રચ્યો ?
શ્રી જિનેશ્વરદેવે..```
*સંધ તે કે જે શ્રી જિનેશ્વરદેવની આજ્ઞા માને.*
*આગમાનુસારી બંધારણ હોય તે જ માન્ય થાય.*
*આગમથી વિરુદ્ધ બંધારણ રચનારા સંઘ બહાર ગણાય.*
```સંઘમાં રાજ્ય કોનું ?
અમદાવાદના સંઘનું, કે મુંબઈના સંઘનું ?
કહો કે એ કોઈનું નહિ;
પરંતુ ભગવાન શ્રી મહાવીરદેવનું.
ભગવાન શ્રી મહાવીરદેવના કાયદાને બાજુ પર રાખી જો કોઈ સ્વચ્છંદીઓ પોતાને ફાવતા જુદા કાયદા કાઢે તો તે જાણે; પણ તેવાઓ આ સંઘમાં ન રહી શકે.
કોર્ટ અને જેલનાં મકાનો બાંધે કડિયા-સુથાર, પણ એ કહેવાય સરકારનાં.
એનો વહીવટ સરકારના કાયદા પ્રમાણે ચાલે, કડિયા સુથારના કાયદા પ્રમાણે નહીં.
એ જ રીતે પ્રભુભક્તિ માટે અર્પણ કરાયેલા લાખો રૂપિયાનો વહીવટ આગમે ફરમાવેલ કાયદા મુજબ ચાલે, વહીવટદારની મરજી પ્રમાણે નહીં.
એ મિલકત ખાઈ જવાનો કોઈ હક્ક નથી.
તમારી પાસે ઘણી મિલકત હોય તો મહિને ખર્ચ જેટલા રૂપિયા રાખી બાકીના આપી દેવા તૈયાર છો ? ત્યાં તો કહેવાના કે ‘એ તો મારી મિલકત ! આપી કેમ દઉં ?'
તો પછી આ મિલકત મરજી મુજબ ગમે ત્યાં આપી દેવાનો તમને શો અધિકાર છે ?
લાખો રૂપિયાનો વહીવટ કરનાર મુનીમને પેઢીનો માલિક હોશિયાર જરૂર કહે પણ એ જ મુનીમ પૈસાની ઉઠાવગીરી કરતો માલૂમ પડે તો માલિક એને હાથકડી પહેરાવે.```
*એ જ રીતે તમે અને અમે પ્રભુશાસનના સેવકો છીએ. એ શાસનના એ કાયદા મુજબ વર્તવા બંધાયેલા છીએ. જેને એ કાયદા ન ગમે તે રાજીનામું આપે. રાજીનામું ન આપે ત્યાં સુધી તો એને શાસનના કાયદા માનવા જ પડે.*
```મુનીમને પણ જ્યારે પોતાના શેઠની નોકરી ન ફાવે ત્યારે રાજીનામું આપી છૂટો થાય પણ એ શેઠની ગાદી પર બેસી બીજાનું કામ કરે એ ન ચાલે.
રાજના અમલદારને ન ફાવે તો રાજીનામું આપે તે વાત જુદી પણ ખુરસી પર બેસે ત્યાં સુધી રાજ્યના કાયદા મુજબ એને વર્તવું જ પડે.
એકસો ચોવીસમી કલમ લાગુ થતી હોય તો ગમે તેને પણ એ અમલદારે સજા કરવી જ પડે.
જજ્ ભલે હિન્દી હોય અને દેશના આગેવાનોને પકડીને એની સામે ખડા કર્યા હોય તો પણ એને કાયદેસર સજા કરવી જ પડે.
એ" ગમે તેવા તોયે નોકર કોના ?
પોતાને કામ કરવું ન રૂચે તો રાજીનામું આપે એ વાત જુદી પણ રાજીનામું ન આપે, એ જ ખુરસી પર બેસે અને કાયદા પ્રમાણે ન વર્તે તો, એ ન ચાલે.```
*ક્રમશઃ*
📚 *સંઘ સ્વરૂપ દર્શન 3 - 86-87* 📚
17102021343
✍️ *પૂજ્ય મહારાજજી* ✍️
ટિપ્પણીઓ નથી:
ટિપ્પણી પોસ્ટ કરો