પારણિયાને કાજ પધારો… ઓ દેવાધિદેવા…
પારણિયાને કાજ પધારો… ઓ દેવાધિદેવા…
વિનવે ઝૂરે ઝંખે લોકો… પ્રભુ! સ્વીકારો સેવા…
પારણિયાને…
દિવસે ઝંખે રાતે ઝૂરે તન-મન-ધન ને દેતા,
ઋષભ પ્રભુ લેતા નથી કાંઈ એકબીજાને કે’તા,
નથી સમજાતા રાજા અમારા.. ભાગ્ય રૂઠ્યા છે એવા
ઓ દેવાધિદેવા… પારણિયાને…
પ્રભુ તમોને શું દઈએ એમ રૂંવે રૂંવે થી ગાતા,
આંગણ સુધી આવી સ્વામી! કોરા કોરા જાતા,
બારમાસનાં તપસી તમે પણ.. હાલ અમારા કેવા?
ઓ દેવાધિદેવા… પારણિયાને…
વૈશાખી ત્રીજે પ્રભુ શ્રેયાંસ કુમારે દીઠાં
ઇક્ષુરસનાં ઘડા ભરેલા વ્હાલમ જેવાં મીઠાં
ઋષભ પ્રભુએ હાથ લંબાવ્યા શેરડી રસને લેવા
ઓ દેવાધિદેવા… પારણિયાને…
વસુધારા વરસાવે દેવો વાદળ જાણે વરસ્યા
રોગ-શોક તો દૂર થયા જિમ સ્વયં પ્રભુજી સ્પર્શ્યા
‘ઉદય’ થયો આ પૃથ્વીલોકમાં જયજયકારા એવા
ઓ દેવાધિદેવા… પારણિયાને…
રચયિતા: પૂ. ગણીવર્ય શ્રી ઉદયરત્ન વિજયજી મ.સા.
ટિપ્પણીઓ નથી:
ટિપ્પણી પોસ્ટ કરો