*રોતી રોતી ચંદનબાળા વિનવે છે આજ,મારા આંગણા સૂના.*
*પગ માં બેડી માથે મૂંડી,આંખે આંસુધાર;*
*ઉપવાસી ત્રણ ત્રણ દિવસની,મુખ ગણતી નવકાર.*
*મારા......*
*બાકુળાના ભોજન મળીયા પણ નહિ મનડું માને,*
*કોઇ અતિથિને વહોરાવીને,પછી જ ખાવું મારે.*
*મારા.......*
*કૌશંબી નગરીની માંહે,યોગી એક વિચરતા;*
*પાંચ માસ ને પચીસ દિનથી ,ભિક્ષા કાજે ફરતા.*
*મારા....*
*દ્વાર દ્વાર થી એ ભિક્ષા વિણ,શીદને પાછા ફરતા;*
*કોણ હશે એ મહાતપસ્વી? એહવો નિશ્ર્ચય કરતા.*
*મારા....*
*બાળા ભોજન દે છે ત્યાં તો,યોગી પાછા વળીયા;*
*અહો ! પ્રભુ શું ઓછું આવ્યું ? દડ દડ આંસુ પડિયા.*
*મારા....*
*અભિગ્રહ પૂરણ જાણી પ્રભુજી,નિજ કર પાત્ર ધરાવે;*
*ચંદનબાળા ભાવ ધરીને,બાકુળા વહોરાવે.*
*મારા.....*
*તે જ ક્ષણે ચમત્કાર થયો ને, તૂટી પગની બેડી;*
*માથે સુંદર વાળ થયાને,વરસી સુખની હેલી.*
*મારા....*
*આવો આવો વીર સ્વામી ! આવો આજ મહાવીર..*
*આવો આવો વીર પ્રભુ ! હું છું ક્યારની અધીર.*
*મારા...*
*આવો આવો દેવ મારા.....*
ટિપ્પણીઓ નથી:
ટિપ્પણી પોસ્ટ કરો