Mahavir Tara Marag Thi Ame Lyrics Jian Stavan
જીવનનાં મહાસાગરમાં એવું પાપનું આવ્યું પુર રે,
મહાવીર તારા મારગથી અમે લાખો જોજન દુર રે
સિદ્ધિ શિખરે સ્થાન તમારું ને ક્યાંય અમારી તળેટી રે,
વિરાટને કહો કેમ કરીને, જંતુ શકેનાં ભેટી રે,
સુરજનાં તેજ પાસે પેલા તારલીયાનું શું નૂર રે
મહાવીર તારા…
સંકટ ને ઉપસર્ગો સામે કેવી સમતા તારી રે,
મોહ ને મમતામાં અમે રમતાં, કરીએ મારા-મારી રે,
તું વિતરાગી અમે રંગરાગી વિલાસમાં ચકચૂર રે
મહાવીર તારા…
નિર્મળ ગંગા જેવી તારી પાવન કારી વાણી રે,
કાળાં-ધોળાં કુળકપટથી કરીએ કાળી કમાણી રે,
તું કરુણાસાગર ને અમે તો કાળજાનાં નિષ્ઠુર રે
મહાવીર તારા…
તારા ને અમારા વચ્ચે અંતર કેટલું મોટું રે,
તોયે નિરંતર ભરીયે અમે તો પગલું ખોટું ખોટું ને,
તેમ છતાં ઉર અમારાં ઝંખે તને જરૂર રે
મહાવીર તારા…
ટિપ્પણીઓ નથી:
ટિપ્પણી પોસ્ટ કરો