Shree Padmaprabhu Jin Naam Ne Re Lyrics Jain Stavan
શ્રી પદ્મપ્રભુ જિન નામને રે, જાઉં હું બલિહાર,
નામ જપંતા દિહા ગમું રે, ભવ ભય ભંજનહાર
હો નામ જપંતા… (૧)
નામ જપંતા મન ઉલ્લસે રે, લોચન વિકસિત હોય,
રોમાંચિત હુયેં દેહડી રે, જાણે મિલિયો સોય
નામ જપંતા… (૨)
પંચમ કાળે પામવો રે, દુર્લભ પ્રભુ દેદાર,
તોહે તેહના નામનો રે, છે મોટો આધાર
નામ જપંતા… (૩)
નામ ગ્રહ્યે આવી મિલે રે, મન ભીતર ભગવાન,
મંત્ર બળે જિમ દેવતા રે, વાહલો કીધો આહ્વાન
નામ જપંતા… (૪)
ધ્યાન પદસ્થપ્રભાવથી રે, ચાખ્યો અનુભવ સ્વાદ,
માનવવિજય વાચક કહે રે, મૂકો બીજો વાદ
નામ જપંતા… (૫)
ટિપ્પણીઓ નથી:
ટિપ્પણી પોસ્ટ કરો