Shree Gautam Swami No Chhand
વીર જિનેશ્વર કેરો શિષ્ય,
ગૌતમ નામ જપો નિશદિન;
જો કીજે ગૌતમ નું ધ્યાન,
તો ઘર વિલસે નવે નિધાન… ૧
વીર જિનેશ્વર…
ગૌતમ નામે ગિરિવર ચઢે,
મન વાંછિત હેલા સંપજે;
ગૌતમ નામે નાવે રોગ,
ગૌતમ નામે સર્વ સંયોગ… ૨
વીર જિનેશ્વર…
જે વૈરી વીરૂઆ વંકડા,
તસ નામે નાવે ઢુંકડા;
ભૂત પ્રેત નવી મંડે પ્રાણ,
તે ગૌતમ ના કરું વખાણ… 3
વીર જિનેશ્વર…
ગૌતમ નામે નિર્મળ કાય,
ગૌતમ નામે વાધે આય;
ગૌતમ જિન શાશન શણગાર,
ગૌતમ નામે જયજયકાર… ૪
વીર જિનેશ્વર…
શાળ દાળ સુરહા ઘૃત ગોલ,
મનવાંછિત કાપડ તંબોલ;
ઘરસુઘરની નિર્મળ ચિત્ત,
ગૌતમ નામ પુત્ર વિનીત… ૫
વીર જિનેશ્વર…
ગૌતમ ઉદયો અવિચલ ભાણ,
ગૌતમ નામ જપો જગ જાણ;
મોટા મંદિર મેરુ સમાન,
ગૌતમ નામે સફળ વિહાણ… ૬
વીર જિનેશ્વર…
ઘર મયગલ ઘોડા ની જોડ,
વારૂં પહોચે વાંછિત કોડ;
મહીયલ મને મોટા રાય,
જો તુઠે ગૌતમ ના પાય… ૭
વીર જિનેશ્વર…
ગૌતમ પ્રણમ્યાં પાતક ટળે,
ઉત્તમ નર ની સંગત મળે;
ગૌતમ નામે નિર્મળ જ્ઞાન,
ગૌતમ નામે સફળ વાધે વાન… ૮
વીર જિનેશ્વર…
પુણ્ય વંત અવધારો સહુ,
ગુરૂ ગૌતમ ના ગુણ છે બહુ;
કહે લાવણ્ય સમય કરજોડ,
ગૌતમ ત્રુઠે સંપત્તિ ક્રોડ… ૯
વીર જિનેશ્વર…
ટિપ્પણીઓ નથી:
ટિપ્પણી પોસ્ટ કરો