Siddhagiri Ne Bhetvano Bhav Jagyo Lyrics Jain Stavan
સિદ્ધગિરિને ભેટવાનો ભાવ જાગ્યો રે,
ગિરિવરની ભક્તિમાં મારો મનડો લાગ્યો રે
ભવસાગરને તરવા માટે ગિરિવર નૈયા છે,
ઉજજવલ ગિરિને ભેટતા બસ ! હર્ષિત હૈયા છે,
મેરુ મહિધર તીર્થને મેં આરાધ્યો રે,
ગિરિવરની ભક્તિમાં… ||૧||
સિદ્ધાચલ વિમલાચલ, રેવત ગિરિવર નામ છે,
ભદ્રંકર ગુણકંદ ચરણમાં નિત્ય પ્રણામ છે,
મહોદયગિરિ મહાપીઠ ગિરિ શાશ્વત ભાખ્યો રે,
ગિરિવરની ભક્તિમાં… ||૨||
જ્યોતિ સ્વરુપ શિવપદ ઉદયગિરિ કીર્તિ ભારી છે,
કર્મસુદન સુરપ્રિય ગિરિવર જય જયકારી છે,
નંદીવર્ધન તાલધ્વજગિરિ દિલમાં રાખ્યો રે,
ગિરિવરની ભક્તિમાં… ||૩||
અજરામર પદ ચર્ચગિરિવર શિવદા સંતો છે,
નગેશ હેમગિરિ જયંતગિરિ જય જયવંતો છે,
કપર્દિવાસ અનંત શક્તિ ગ્રંથે દાખ્યો રે,
ગિરિવરની ભક્તિમાં… ||૪||
શશી રમણલાલ યાત્રા નવ્વાણું ભાવે કરાવે છે,
ચિન્તન અનુજ હળીમળીને મહાગિરિ આવે છે,
શત્રુંજય ઉત્સવ કરી જગમાં નામ કમાયો રે,
ગિરિવરની ભક્તિમાં… ||૫||
સૂરિ રાજેન્દ્ર” દ્રઢ શક્તિ ગિરિ મહિમા બતાવ્યો છે,
કંચનગિરિ સુભદ્ર અકર્મક નામ છાયો છે,
“જયન્તસેન” ગિરિરાજ ને ભક્તિ થી ગાયો રે,
ગિરિવરની ભક્તિમાં… ||૬||
ટિપ્પણીઓ નથી:
ટિપ્પણી પોસ્ટ કરો