સુણો ચંદાજી ! સીમંધર પરમાતમ પાસે જાજો;
મુજ વિનતડી પ્રેમ ધરીને,
એણી પેરે સંભળાવજો.
સુણો ચંદાજી…
જે ત્રણ ભુવનનો નાયક છે,
જસ ચોસઠ ઈંદ્ર પાયક છે;
નાણ દરીસણ જેહને ક્ષાયક છે. સુણો .. ૧
જેની કંચનવરણી કાયા છે,
જસ ધોરી લંછન પાયા છે ;
પુંડરિગિણી નગરીનો રાયા છે. સુણો .. ૨
બાર પર્ષદામાંહી બિરાજે છે,
જસ ચોત્રીસ અતિશય છાજે છે ;
ગુણ પાંત્રીશ વાણીએ ગાજે છે. સુણો .. ૩
ભવિજનને જે પડીબોહે છે,
તુમ અધિક શીતલ ગુણ સોહે છે ,
રૂપ દેખી ભવિજન મોહે છે. સુણો .. ૪
તુમ સેવા કરવા રસિયો છું,
પણ ભારતમાં દુર વાસિયો છું;
મહામોહરાય કર ફસિયો છું. સુણો .. ૫
પણ સાહિબ ચિત્તમાં ધરીયો છે,
આણાંખડગ કર ગ્રહિયો છે,
તો કંઈક મુજથી ડરીયો છે. સુણો .. ૬
જિન ઉત્તમ પૂંઠ હવે પૂરો,
કહે પદ્મવિજય થાઉં શૂરો ;
તો વાઘે મુજ મન અતિ નૂરો. સુણો .. ૭
ટિપ્પણીઓ નથી:
ટિપ્પણી પોસ્ટ કરો