Prabhu Sathe Priti Ajab Bani Lyrics Jain Stavan
અજબ બની રે મેરી અજબ બની,
પ્રભુ સાથે પ્રીતિ અજબ બની,
અજબ બની પ્રભુ સાથે પ્રીતિ,
તો મુજ ને દુર્ગતિની શી ભીતિ
દેખી પ્રભુની મોટી રીતિ,
પામી પૂર્ણ રીતિ પ્રતીતિ… (૧)
જે દુનિયામાં દુર્લભ નેહ,
તેં મેં પામી પ્રભુની રે ભેટ
આળસુને ઘેર આવી ગંગ,
પામીયો પંથી સખર તુરંગ… (૨)
તિરસે પાયો માનસતીર,
વાદ કરંતા વાધી ભીર
ચિત્ત ચોર્યો સાજનનો સંગ,
અણચિંત્યો મલ્યો ચડતે રે રંગ… (૩)
જિમ જિમ નિરખું પ્રભુ મુખ નૂર,
તિમ તિમ પાઉં આણંદપૂર
સુણતાં જનમુખ પ્રભુની વાત,
હરખે મારી સાતે રે ધાત… (૪)
પદ્મપ્રભ જિનના ગુણગાન,
ગાતા લહીએ શિવપદવી અસમાન
વિમલ વિજય વાચકનો શીશ,
રામે પાયો પરમ જગદીશ… (૫)
ટિપ્પણીઓ નથી:
ટિપ્પણી પોસ્ટ કરો