Sahiba Muj Darshan Dije lyrics Jain Stavan

Sahiba Muj Darshan Dije

સુમતિ જિનેસર! જગ-પરમેસર,

હું ખિજમત કારક તુજ કિંકર

રાત દિવસ લીનો તુમ ધ્યાને,

દિન અતિ વાહુ પ્રભુ ગુણગાને

સાહિબા ! મુજ દરશન દીજે,

જીવના ! મન મહેર કરીજે સાહિબા.. (૧)

જગત હિતકર અંતરજામી,

પ્રાણ થકી અધિકો મુજ સ્વામી

પ્રાણ ! ભમ્યો બહુ ભવ ભવ માંહી,

પ્રભુ સેવા ઈણ ભવ વિણ નાહી

સાહિબા… (ર)

ઈણ ભવમાં પણ આજ તું દીઠો,

તિણ કારણ તું પ્રાણથી મીઠો

પ્રાણ થકી જે અધિકો પ્યારો,

તે ઉપર સહુ તન ધન ઓવારો

સાહિબા… (૩)

અજ્ઞાની અજ્ઞાની સંધાતે,

એહવી પ્રીત કરે છે ઘાતે

દેખો દીપક કાજ પતંગ,

પ્રાણ તજે હોમી નિજ ગાતે

સાહિબા… (૪)

જ્ઞાન સહિત પ્રભુ જ્ઞાની સાથે,

તેહવી પ્રીત ચડે જો હાથે

તો પૂરણ થાયે મન આશ,

દાનવિજય કરે એ અરદાસ

સાહિબા… (૫)

રચયિતા: શ્રી દાન વિજયજી મહારાજ