Trishlaji No Ladakdo Ne Lyrics Jain Stavan
ત્રિશલાજીનો લાડકડો ને.. સિધ્ધારથ શણગાર
મહાવીર તારા નામે મારે.. તરવો છે સંસાર
રાજપાટના સુખ અનેરા.. તોયે ત્યાગી દીધાં
વનનાં દુઃખડાં હાથે કરીને.. માથે વહોરી લીધાં
હસતાં હસતાં સહન કર્યા તેં પરિષહ પારાવાર
મહાવીર તારા…
ભાન ભૂલીને ચંડકૌશિકે.. ડંખ ભંયકર દીધાં
બુજ્ઝ બુજ્ઝના અમૃતવેણે.. દુઃખડાં સંહરી લીધાં
માવડી થઈ પંદર દિવસે.. મોકલ્યો સ્વર્ગ મોજાર..
મહાવીર તારા…
કાળચક્રને મૂક્યું તો યે.. દિલમાં સમતા રાખી
આગ સમા એ સંગમ સામે.. છાંટયું પ્રેમનું પાણી
સંકટોનો સ્વીકાર કરીને.. ક્ષમા હૃદયમાં ધારી
મહાવીર તારા…
રક્તતણાં આ કણકણમાંહી.. તારું શાસન રહેજો
તારા શાસન કાજે.. મરી ફીટવાની હિંમત દેજો
ભરી દ્યો ને રગરગમાંહી.. વીર શાસનનો પ્યાર
મહાવીર તારા…
ટિપ્પણીઓ નથી:
ટિપ્પણી પોસ્ટ કરો