પૌષધના જનરલ ફંડની રકમ એટલે પૌષધ કરનારાઓને પ્રભાવના, ભોજન કે પૌષધ સંબંધી ઉપકરણો વસાવવા વગેરે કાર્યમાં વાપરવા માટે જે તે સમયે ભેગી થયેલી રકમ. તમારા સંઘમાં જો હવે એ વપરાયા વિના પડી રહી હોય, તો એ માટે નીચે પ્રમાણે વિચારી શકાય :-
(1) જિનશાસન એક મુખ્ય સંસ્થા છે. જુદા જુદા સંઘો એ તેની બ્રાંચ – શાખા જેવા છે. તેથી અન્ય કોઈ પણ સંઘોમાં પૌષધની આરાધના કરનાર આરાધકોની ભક્તિમાં, પ્રભાવનામાં કે ઉપકરણો વસાવવા વગેરે કાર્યમાં વાપરી શકાય. પૌષધ સિવાય ખાવા–પીવાના કાર્યમાં બને ત્યાં સુધી ન વાપરવી તથા ઉપધાન તપના આયોજનમાં પણ લાભ લઈ શકાય.
(2) સાતક્ષેત્રમાં નીચેના ક્ષેત્રની રકમ જરૃર પડ્યે ઉપરના ક્ષેત્રમાં લઈ જઈ શકાય છે. પૌષધ એ દેશવિરતિની આરાધના છે, તેથી તે માટેની રકમ સર્વવિરતિના આરાધક એવા સાધુ–સાધ્વીજી ભગવંતની વેયાવચ્ચમાં પણ વાપરી શકાય.
(3) જ્ઞાનખાતામાં કે દેવદ્રવ્યમાં પણ અત્યંત આવશ્યકતા હોય તો લઈ જઈ શકાય.
આ રકમ સામાયિકમાં પ્રભાવના કરવામાં ન વાપરવી. શક્ય હોય ત્યાં સુધી પ્રથમના બે વિકલ્પમાં તેનો સદ્વ્યય કરવો.
✍️मुनि सौम्यरत्न विजयजी
*Shilp Vidhi*
ટિપ્પણીઓ નથી:
ટિપ્પણી પોસ્ટ કરો