Tuj Karuna Dhar ma તુજ કરુણાધાર માં

Tuj Karuna Dhar ma Lyrics 

તુજ કરુણા ધાર માં હું, નિત્ય ભીંજાતો રહું,

પાશ્વ શંખેશ્ચર પ્રભુજી, સરણ હું તારું લહુ...

તું જે છે મારું જીવન, તારા વીના ચીત ના ઠરે,

નામ તારું હરપળ, મારા ઊર માં ધબક્યા કરે;

વિયોગ ની વસમી અવસ્થા, કિમ હું જીવિત રહું...

તું વસે છે કેટલે દૂર, હું અહી સબડ્યા કરું,

તું મજેથી મ્હાલતો, હું અહી તહી ભટક્યા કરું;

પ્રાણ પ્યારા નહી મળે તો, આયખું પૂરું કરું....

પ્રિતડી તારી ને મારી, કેટલી ઉમદા હશે,

હરઘડી તુજને ના ભૂલું, કેવા ઋણબંધન હશે;

મનમાં મનાવું ક્યાં સુધી, વિયોગ માં ઝુર્યા કરું...

આશુઓ એક દીવસ મારા, તુજને પીગળાવશે,

આશ છે એવી હદય માં, એક દી મળવા આવશે;

તુજ ભરોષે છે બાળક, એથી વધારે શું કહું...

નોધ :  આ સ્તવન ની રચના મલયભાઇ ઠાકુર શંખેશ્વર વાળા એ કરેલ છે

        આ સ્તવન માં જ્યાં જ્યાં બાળક શબ્દ આવે છે ઓરીજનલ લીરીક્એસ માં દરેક જગ્યા પર મલય શબ્દ લગાવ્યો છે