Gurudev Bidai
( રાગઃ યે દોલત ભી લે લો . . . ( ગઝલ ) અથવા મંદિર પધારો સ્વામી સલુણા )
( રાગઃ યે દોલત ભી લે લો . . . ( ગઝલ ) અથવા મંદિર પધારો સ્વામી સલુણા )
ન જાશો ગુરુમા , ન જાશો ગુરુમા
અમારી વિનંતી , સ્વીકારો ગુરુમા
તમારા વિના અમને ક્યાંયે ગમે ના
ન જાશો ગુરુમા , ન જાશો ગુરુમાં ...
ક્યાં જઈને કહીશું અમારાં હૈયાની વાતો
મુખડું નીરખી સદા , હૈયે આનંદ ના મા તો
હવે ક્યાં જઈ વાતો કરશું ગુરુમાં
ન જાશો ગુરુમા , ન જાશો ગુરુમા . . .
ભૂલો જે થઈ છે , તે ભૂલી જાજો
બાળ તારા ગણીને , ક્ષમા જલદી દેજો
ભવોભવ તમારું જ હું શરણું માંગું
ન જાશો ગુરુમા , ન જાશો ગુરુમા ...
બાળ તારા પોકારે , ગુરુમા ગુરુમા
તું જો હોય પાસે , યાદ ના વે મારી મા
કરુણાના સાગર થઈ , નિષ્ઠુર બનો ના
ન જાશો ગુરુમાં , ન જાશો ગુરુમા ...
વિતાવેલ દિવસને , શી રીતે ભૂલીશું
ખજાનો મજાનો , ક્યાં જઈને સુણીશું
સદાયે કરીશું , પ્રતિક્ષા તમારી
ન જાશો ગુરુમાં , ન જાશો ગુરુમા ...
જ્યાં જાઓ તે સ્થાને , જરૂર યાદ કરજો
સ્વપ્નમાં આવીને , ક્યારેક દર્શન દેજો
અહીં જે મળ્યું તમને , ક્યાંયે મળે ના
ન જાશો ગુરુમાં , ન જાશો ગુરુમા . . .
ટિપ્પણીઓ નથી:
ટિપ્પણી પોસ્ટ કરો