Jain Aarti Mangal Divo Vadhai lyrics
આરતી
જય જય આરતી આદિ જીણંદા ,
નાભિરાયા મરૂ દેવી કો નંદા .
પહેલી આરતી પૂજા કીજે ,
નરભવ પામીને લહાવો લીજે ... જય જય .
દૂસરી આરતી દીન દયાળા ,
ધૂળેવા મંડપમાં જગ અજવાળા ... જય જય .
તીસરી આરતી ત્રિભુવન દેવા ,
સુરનર ઈન્દ્ર કરે તોરી સેવા ... જય જય .
ચોથી આરતી ચઉગતી ચૂરે ,
મનવાંછિત ફળ શિવમુખ પરે ... જય જય .
પંચમી આરતી પુન્ય ઉપાયો ,
મૂળચંદે ઋષભ ગુણ ગાયો ... જય જય .
મંગલ દીવો
દીવો રે દીવો પ્રભુ મંગલિક દીવો .
આરતી ઉતારણ બહુ ચિરંજીવો દીવો રે .
સોહામણો ઘેર પર્વ દિવાળી ,
અંબર ખેલે અમરા બાળી દીવો રે .
દીપાળ ભણે એણે કુળ અજવાળી ,
ભાવે ભગતે વિઘન નિવારી દીવો રે .
દીપાળી ભણે એણે એ કલિકાળે ,
આરતી ઉતારી રાજા કુમારપાળ દીવો રે .
અમ ઘેર મંગલિક , તુમ ઘેર મંગલિક
મંગલિક ચતુર્વિધ સંઘને હોજો દીવો રે .
વધાઈ
દીનાનાથની વધાઈ બાજે છે
મારા નાથની વધાઈ બાજે છે
શરણાઈ સૂર નોબત બાજે
ઓર ધનન ધન ગાજે છે ... મારા .
ઈન્દ્રાણી મીલ મંગલ ગાવે
મોતીયું ન ચોક પુરાવે છે ... મારા .
સેવક પ્રભુજી શું અરજ કરે છે
ચરણોં કી સેવા પ્યારી લાગે છે ... મારા .
ટિપ્પણીઓ નથી:
ટિપ્પણી પોસ્ટ કરો