Jena Rom Rom Thi Tyag Ane Saiyam Jain Diksha Song lyrics
જેના રોમરોમથી ત્યાગ અને
સંયમની વિલસે ધારા
આ છે અણગાર અમારા
દુનિયામાં જેની જોડ જડે ના
એવું જીવન જીવનારા .... આ છે .
સામગ્રી સુખની લાખ હતી, સ્વેચ્છાએ એણે ત્યાગી
સંગાથ સ્વજનનો છોડીને સંયમની ભિક્ષા માંગી ,
દીક્ષાની સાથે પંચમહાવ્રત, અંતરમાં ધરનારા
આ છે અણગાર અમારા
ના પાંખો વીંઝે ગરમીમાં ના ઠંડીમાં કદી તાપે
ના કાચા જળનો સ્પર્શ કરે, ના લીલોતરીને ચાપે .
નાનામાં નાના જીવોનું પણ, સંરક્ષણ કરનારા
આ છે અણગાર અમારા
જૂઠ બોલીને પ્રિય થવાનો, વિચાર પણ ના લાવે
યા મૌન રહે યા સત્ય કહે , પરિણામ ગમે તે આવે ,
જાતે ન લે કોઈ ચીજ કદી, જો આપો તો લેનારા
આ છે અણગાર અમારા
ના સંગ કરે કદી નારીનો, ના અંગોપાંગ નિહાળે
જો જરૂર પડે તો વાત કરે, પણ નયણાં નીચાં ઢાળે ,
મનથી વાણીથી કાયાથી, વ્રતનું પાલન કરનારા
આ છે અણગાર અમારા
ના સંગ્રહ એને કપડાંનો, ના બીજા દિવસનું ખાવું
ના પૈસા એની ઝોળીમાં , ના એના નામે થાણુ ,
ઓછામાં ઓછા સાધનમાં, સંતોષ ધરી રહેનારા
આ છે અણગાર અમારા
ના છત્રધરે કદી તડકામાં , ના ફરે કદી વાહનમાં
મારગ હો ચાહે કાંટાળો, પહેરે ના કંઈ પગમાં ,
હાથેથી સઘળા વાળ ચૂંટે, માથે મુંડન કરનારા
આ છે અણગાર અમારા .
કલ્યાણ જીવોનું કરવા કાજે, વિચરે દેશ વિદેશે
ના રાયપંક કે ઊંચનીચ, સરખા સૌને ઉપદેશે ,
અપમાન કરો યા સન્માનો, સમતાભાવે રહેનારા
ટિપ્પણીઓ નથી:
ટિપ્પણી પોસ્ટ કરો