Juo Re Juo Jaino Keva Vrat Dhari Diksha Song
જુઓ રે જુઓ જૈનો કેવા વ્રતધારી
કેવા વ્રતધારી આગે થયા નરનારી ,
થયા નરનારી તેને વંદના અમારી . . . જુઓ રે ,
જુઓ જુઓ જંબૂસ્વામી - બાળવયે બોધ પામી
તજી ભોગ રિધ્ધિ જેને તજી આઠ નારી
તજી આઠ નારી તેને વંદના અમારી ... જુઓ રે .
ગજસુકુમાલ મુનિ ... ધખે શિર પર ધૂણી
અડગ રહ્યા જે ધ્યાને ડગ્યા ન લગારી ... જુઓ રે .
કોશ્યાના મંદિર મળે ... રહ્યા મુનિ સ્થૂલભદ્ર
વેશ્યાસંગ વાસો તોયે ... થયા ન વિકારી ... જુઓ રે .
સતી તે રાજુલનારી જગમાં ન જોડી એની
પતિવ્રતા કાજે કન્યા ... રહી તે કુંવારી ... જુઓ રે .
જનકસુતા તે સીતા ... બાર વર્ષ વનમાં વીત્યા
ઘણું કષ્ટ વેઠ્યૂ તો યે ... રહ્યા શીલધારી ... જુઓ રે .
ધન્ય ધન્ય નરનારી એવા દઢ ટેકધારી
જીવિત સુધાર્યું જેણે પામ્યા ભવપારી ... જુઓ રે .
એવું જાણી સુજ્ઞ જેનો ... એવા ઉત્તમ આપ બનો
વીર વિજય ધર્મ પ્રેમ દીયે ગતિ સારી ... જુઓ રે .
ટિપ્પણીઓ નથી:
ટિપ્પણી પોસ્ટ કરો