Maru Man Lagyu Saiyam Ma
હું તો અરિહંત અરિહંત જપું મોરી મા , મારું મન લાગ્યું સંયમમાં ,
હું તો સાસરિયે નહીં જાઉં મોરી મા , મારું મન લાગ્યું સંયમમાં .
મેવા મીઠાઈ મને કામ નહીં આવે ,
તપસ્યાએ મનડા મોહ્યા મોરી મા ... મારું મન .
માતા ને પિતા મને કામ નહીં આવે ,
ગુરુમાએ મનડું મોહ્યું મોરી મા ... મારું મન .
બની ને બેનપણી મને કામ નહીં આવે ,
ગુરુબેને મનડું મોહ્યું મારી મા ... મારું મન
પૈપ્સી ને કોલા મારે કામ નહીં આવે ,
ઉકાળેલાં પાણી મંગાવો મોરી મા ... મારું મન .
સ્ટીલનાં વાસણ મારે કામ નહીં આવે ,
પાતરા ને તરપણી મંગાવો મોરી મા ... મારું મન .
ડનલોપનો સોફાસેટ કામ નહીં આવે ,
કામળી કામણ કર્યું મોરી મા... મારું મન .
ફલેટ અને બંગલા મારે કામ નહીં આવે .
ઉપાશ્રયે મનડું મોહ્યું મોરી મા ... મારું મન .
હીરા મોતીની માળા મને કામ નહીં આવે ,
નવકારવાળી લાગે ખરી મોરી મા ... મ મન .
મારૂતિ ને ઈમ્પાલા કામ નહીં આવે ,
વિહારે મનડું મોહ્યું મોરી મા... મારું મન .
કલબ અને બ્યુટી પાર્લર કામ નહીં આવે
પ્રભુ ભક્તિએ મનડું મોહ્યું મોરી મા... મારું મન .
ટિપ્પણીઓ નથી:
ટિપ્પણી પોસ્ટ કરો