Samta Thi Dard Sahu Lyrics
સમતાથી દર્દ સહુ પ્રભુ એવું બળ દેજો
મારી વિનંતી માનીને મને આટલું બળ દેજો . .
કોઈ ભવમાં બાંધેલાં મારાં કર્મો જાગ્યા છે
કાયાના દર્દરૂપે મને પીડવા લાગ્યા છે ,
આ જ્ઞાન રહે તાજું , એવું સિંચન જળ દેજો
... સમતા .
દર્દોની આ પીડા સહેવાથી મટશે નહિ
હું કલ્પાંત કરું તોપણ આ દુઃખ તો ઘટશે નહિ ,
દુર્થાન નથી કરવું એવું નિશ્ચય બળ દેજો
.... સમતા .
આ કાયા અટકી છે નથી થાતાં તુજ દર્શન
ના જઈ શકું સૂણવાને ગુરુની વાણી પાવન ,
જિનમંદિર જાવાનું ફરીને અંજળ દેજો
... સમતા .
નથી થાતી ધર્મક્રિયા એનો રંજ ઘણો મનમાં
દીલડું તો દોડે છે પણ શક્તિ નથી તનમાં ,
મારી હોંશે પૂરી થાએ એવા શુભ અવસર દેજો
... સમતા .
છોને આ દર્દ વધે , હું મોત નહીં માગું
વળી , છેલ્લા શ્વાસ સુધી હું ધર્મ નહીં ત્યાગું ,
રહે ભાવ સમાધિનો એવી અંતિમ પળ દેજો
... સમતા .
ટિપ્પણીઓ નથી:
ટિપ્પણી પોસ્ટ કરો