Vara Pachi Aavse Varo વારા પછી આવશે વારો

Vara Pachi Aavse Varo

વારા પછી આવશે વારો ( ૨ ) 

આજ મારો ને કાલ તારો ... ઓ ભાઈ મારા 

એકલા આવ્યા ને એકલા જવાના 

કોઈનો નથી સથવારો . . . આજ મારો . . . 

બાળ યુવાનીના રંગ બદલાશે ને 

ઘડપણ આવી ઘેરાશે ઓ ભાઈ મારા ( ૨ ) 

આ કાયામાં બેઠો એક કાળિયો 

તને થોડે થોડે ખાઈ જાશે . . ઓ ભાઈ મારા આજ મારો . . . 

સગા સંબંધી તારા જોતાં રે રહેશે 

અચાનક જમડાં લઈ જાશે , ઓ ભાઈ તને 

લાકડા ભેગું તારું લાકડું બળશે 

પછી ફાગણની હોળી થાશે . . ઓ ભાઈ મારા આજ મારો ... . 

ખોખલી હાંડલીમાં આગ મેલાશે ને 

સ્મશાને લાકડાં લેવાશે ઓ ભાઈ તારા 

ચાર જણ ભેળા મળી બાળશે તને 

પછી પંચમુખી લાડવો મેલાશે .... ઓ ભાઈ મારા આજ મારો . 

ધન જોબનનો ગર્વ ન કરીએ 

ચાર દિવસનો આ ચટકો ઓ ભાઈ મારા 

મારું મારું કરી ઓલ્યો મરી ગયો મૂરખો 

મૂવા પછી ખપ નથી તારો ... ઓ ભાઈ મારા આજ મારો ... 

જનમો જનમની કરી લે કમાણી 

ભાવનાની નિશાળે ઓ ભાઈ મારા 

પ્રભુના નામનું રટણ કરી લે 

તારા આતમાને અજવાળે ... ઓ ભાઈ મારા આજ મારો ...