Mahavir No Snadesh
મહાવીરનો સંદેશો એક દિન દુનિયાને સમજાશે
શ્રદ્ધા ને અહિંસાનો ઝંડો સૃષ્ટિ પર લહેરાશે
એક દિવસ આ અણુબોમ્બ સૌ દરિયે ડૂબી જાશે
માનવતાનું મંગલમય ગીત જગમાં બધે ગવાશે .
લડતી ઝઘડતી આ દુનિયાને એક દિન મહાવીર ચીંધ્યા રાહે જાવું પડશે
પ્રભુ મહાવીરે ચીંધ્યા રાહે જાવું પડશે .
હિંસાના તાંડવમાં રાચનારા લોકને એક દિ ' , જરૂર શરમાવું પડશે
પ્રભુ મહાવીરે ચીંધ્યા રાહે જાવું પડશે .
કોટિ કોટિ માનવીને માથે નિરંતર , ગાજે છે યુદ્ધનાં નગારાં
પડીકે બંધાયેલ જીવને પળેપળ , ભડકાવતા ભણકારા
લાખો નોંધારાનાં આંસુ નિઃશ્વાસની , આગમાં એક દિ હોમાવું પડશે
પ્રભુ મહાવીરે ચીંધ્યા રાહે જાવું પડશે .
વેરથી વેર શર્મ ન કદાપિ , આગથી આગ બુઝાય ના
હિંસાથી હિંસા હણાય નહીં કોઈ દિ શસ્ત્રોથી શાંતિ સ્થપાય ના
બોમ્બના બનાવનાર વૈજ્ઞાનિકોને , એક દિ ' , જરૂર પસ્તાવું પડશે પ્રભુ મહાવીરે ઈંધ્યા રાહે જવું પડશે .
લાખ લાખ પ્રશ્નોના સાચા ઉકેલો , શસ્ત્રો થકી નહીં આવે
ભીતિ બતાવે માનવીના હૈયામાં , પ્રીતિ કદી નહીં જાગે
સત્ય અહિંસા ને શાંતિનું સંગીત , બુલંદ કંઠે ગાવું પડશે પ્રભુ મહાવીરે ચીંધ્યા રાહે જાવું પડશે
ટિપ્પણીઓ નથી:
ટિપ્પણી પોસ્ટ કરો