Tara Ma Prabhu Evu Shu
તારામાં પ્રભુ એવું શું ? દોડી દોડી આવ્યો હું. . .
મુજને એ ના સમજાતું , હૈયું શાને હરખાતું
તારા દર્શન જ્યાં પામું મનડું મારું મલકાતું
તારા રૂપમાં એવું શું ? દોડી દોડી આવ્યો હું . . . .
નિંદર મુજને ના આવે , ભોજન મુજને ના ભાવે
તુજને જો હું ભેટું ના , શાંતિ મુજને થાય ના
તારી ભક્તિમાં એવું શું ? દોડી દોડી આવ્યો હું . . . .
મારી સઘળી ચિન્તાઓ , ઘેરા દુ : ખની ઘટનાઓ
તારા વેણે વિસરાતી વળગેલી સૌ વેદનાઓ
તારામાં એવું શું ? દોડી દોડી આવ્યો હું. . . . .
ત્રણ લોકનો નાથ તું , ત્રણ ભુવનનો નાયક તું
મુક્તિમાર્ગનો દાતાર તું , મુજ જીવનો આધાર તું ,
તારા તત્ત્વમાં એવું શું ? દોડી દોડી આવ્યો હું . . . . .
ટિપ્પણીઓ નથી:
ટિપ્પણી પોસ્ટ કરો