Badhi Milkat Tane Dharu to Pan
બધી મિલકત તને ધરું તો પણ , તારી કરુણાની તોલે ના આવે
તેં મને પ્યાર જે કર્યો ભગવંત , મારાથી એનું મૂલ ના થાય . ... .
જિંદગી ભર તને ભજું તો પણ , તારી મમતાની તોલે ના આવે
તેં મને પ્રેમ જે દીધો ભગવંત , મારાથી એનું મૂલ ન થાય . . .
અનાદિ કાળથી ભટકવામાં , કોઈ સ્થાને મિલન થયું તારું
યા તો ઉપદેશ મેં સુલ્યો તારો જેણે બદલી દીધું જીવન મારું
ભોમિયા તો ઘણા મળ્યા મુજને , કોઈ પ્રભુ તારી તોલે ના આવે
તેં મને રાહ જે બતાવ્યો છે , મારાથી એનું મૂલ્ય ના થાય ... .
મને સાચી સલાહ તેં દીધી , એથી આચરણ મેં કર્યું એનું
સાચી કરણી કરી કોઈ ભવમાં , આ ભવે ફળ મળ્યું મને એનું
મારા ઉપકારી છે ઘણાં જગમાં , કોઈ પ્રભુ તારી તોલે ના આવે
તેં મને ધર્મ જે પમાડ્યો છે , મારાથી એનું મૂલ ન થાયે ...
મળ્યાં છે જે સુખો મને આજે , એ બધા ધર્મના પ્રભાવે છે
તારા ચરણે બધું ધરી દેતાં , મને આનંદ અતિ આવે છે
તારું આ ઋણ ક્યારે ચૂકવાશે , મને અંદાજ એનો ના આવે
ભવોભવ સેવના કરું તારી , તોયે સંતોષ મુજને ના થાય ...
ટિપ્પણીઓ નથી:
ટિપ્પણી પોસ્ટ કરો