Bandhan Bandhan Jankhe Maru Man બંધન બંધન ઝંખે મારું મન

Bandhan Bandhan Jankhe Maru Man

બંધન બંધન ઝંખે મારું મન , 

પણ આતમ ઝંખે છુટકારો , 

મને દહેશત છે આ ઝઘડામાં , 

થઈ જાય પૂરો ના જન્મારો , . . . . બંધન બંધન 

મધુરાં , મીઠાં ને મનગમતાં , 

પણ બંધન અંતે બંધન છે , 

લઈ જાય જનમના ચકરાવે , 

એવું દુઃખદાયી આલંબન છે , 

હું લાખ મનાવું મનડાને , 

પણ એક જ એનો ‘ ઉંહકારો  . . . . બંધન બંધન , 

અકળાયેલો આતમ કે ' છે , 

મને મુક્ત ભૂમિમાં ભમવા દો , 

ના રાગ રહે , ના ઢેષ રહે , 

એવી કક્ષામાં મને રમવા દો , 

મિત્રાચારી આ તનડાની ,

બે ચાર ઘડીનો ચમકારો ,  . . . બંધન બંધન , 

વરસો વીત્યાં , વીતે દિવસો , 

આ બે શક્તિના ઘર્ષણમાં , 

મને શું મળશે , વિષ કે અમૃત , 

આ ભવસાગરના મંથનમાં ? 

ક્યારે પંખી આ પીંજરાનું ,

કરશે મુક્તિનો ટહુકારો ? . . . . બંધન બંધન .