Dur Dur Thi Taara
દૂર દૂરથી તારા દરબારે આવિયા
પાર્શ્વ પ્રભુજી ... તારા દરબારે આવિયા ,
દર્શન કરવાને હું તો શંખેશ્વર આવ્યો ;
દર્શન દેજો રે દાદા રે ... દાદા રે ! !
તું છે સમર્થ દાદા એવું મેં જાણ્યું
હું છું અજ્ઞાની કાંઈ વધુ ના હું જાણું ;
આવ્યો છું તારે દ્વાર .... હૈયામાં ધરી હામ
થાશે મુજને નિરાંત ... હવે થાવું ના નિરાશ ;
એવા એવા મનસૂબા ઘડી હું તો આવ્યો ... દર્શન દેજો .
જનમોજનમથી દાદા . . . મુજને તું જાણે
પ્રીત તારી મારી દાદા . . લોકો શું જાણે ;
કહેવું શું જગને આજ તારી મારી આ છે વાત
સાચવજે મુજને નાથ . . વિનંતી છે મારી આજ ;
અંતરની પ્રાર્થના તું જાણે અજાણે
. . . સુણજો રે .
કરને કસોટી હવે બંધ મારા દાદા
કર્મોના લેખ હવે . . . બદલ મારા દાદા ;
સહેવાની શક્તિ ખૂટી ... . જીવનની આશ તૂટી
લોક જાય લાજ લૂટી ... હવે મારી ધીરજ ખૂટી ;
રડતો રઝળતો હું તો ... તારે દ્વારે આવ્યો .
. . . . તારજો રે .
ટિપ્પણીઓ નથી:
ટિપ્પણી પોસ્ટ કરો