Shabd Ma Samay Nahi Evo Tu Mahan Lyrics
શબ્દમાં સમાય નહિ એવો તું મહાન
કેમ કરી ગાવા મારે તારાં ગુણગાન
ગજું નથી મારું એવું કહે આ જબાન
કેમ કરી ગાવા પ્રભુતારાં ગુણગાન .
હો ફૂલડાના બગીચામાં ખીલે ઘણાં ફૂલો
સુંઘવા આવેલ પેલો ભ્રમર પડે ભૂલો .
એમ તારી સૂરભિ ભુલાવે મને ભાન ... કેમ કરી
હો અંબરમાં ચમકે અસંખ્ય સિતારા
પાર કદી પામે નહિ એને ગણનારા
ગુણ તારા ઝાઝા ને થોડું મારું જ્ઞાન ... કેમ કરી .
હો વણથંભ્યા મોજાં આવે સરોવરને તીરે
જોતાં ધરાયે નહીં મનડું લગી રે
એક થકી એક ઊંચા તારાં પરિણામ ... કેમ કરી .
હો પૂરું તો પુરાય નહિ કલ્પનાના રંગો
હારી જાય બધા મારા મનમાં તરંગો
અટકીને ઊભું રહે મારું અનુમાન ... કેમ કરી .
ટિપ્પણીઓ નથી:
ટિપ્પણી પોસ્ટ કરો