surya chandra aakash સૂર્ય ચંદ્ર આકાશ

surya chandra aakash

સૂર્ય - ચંદ્ર આકાશ પવનને , વર્ષા જેમ બધાના છે .

મહાવીર કેવળ જૈનોના નહીં , પણ આખી દુનિયાના છે ... . 

જન્મ ભલેને અહીં લીધો પણ , જ્યોત બધે ફેલાવી 

સૂર્ય ભલેને અહીં ઉગ્યો પણ , પ્રકાશ છે જગ વ્યાપી 

પ્રાણી માત્રના પ્યારા એ પયગંબર માનવતાના છે . . . 

સત્ય અહિંસા પ્રેમ કરુણા , ભાવ છે મંગલકારી 

અનેકાંતની વિચારધારા , સર્વ સમન્વયકારી 

પતિતને પાવન કરનારા , પાણી જેમ ગંગાના છે . . . 

વિરાટ એવા વિશ્વપુરુષને , વામન અમે કર્યો છે 

વિશાળ એના વિશ્વધર્મને , વાડા મહીં પૂરાવ્યો છે . 

જીવનના જ્યોર્તિધર એતો જગના જ્ઞાન ખજાના છે .