Nathi Janato Tari
નથી જાણતો તારી ભક્તિની રીત
તારી સાથે બાંધવી છે પ્રભુ મારે પ્રીત
ભલેને આ દુનિયા સારી થાય વિપરીત .... રે તારી.
તારી ને મારી વચ્ચે અંતર છે ઝાઝું ,
ક્યાં તાંતણે હું પ્રભુ તને બાંધું ,
તને પામવાને હું કયું ગાઉં ગીત .... રે તારી.
નથી જાણતો હું , તને શું ગમે છે ,
છતાં નમ્ર થઈને મારું મસ્તક નમે છે ,
તારું નામ લેતા હૈયું થાય પુલકિત ... રે તારી.
નથી માગવા મારે હીરા ને મોતી ,
આપે તો આપજે તારી પ્રેમજ્યોતિ ,
તારા રે સ્મરણનું સંગીત ગુંજે નીત નીત.... રે તારી.
ટિપ્પણીઓ નથી:
ટિપ્પણી પોસ્ટ કરો