Mandir Padharo Swami Saluna lyrics
મંદિર પધારો સ્વામી સલૂણા
તમારા વિના નાથ ક્યાંયે ગમે ના . મંદિર ...
અંતરની વાતો આંસુ કહે છે
પ્રભુ મુખ જોવાને દષ્ટિ ચહે છે
હવે નાથ ઝાઝું તલસાવશો ના . . . મંદિર ...
સ્મરણ જન્મ જૂના સ્મૃતિમાંહે આવે
નયન શોધતાં તમને... પ્રભુ આર્ત ભાવે
કે મુખ પરથી દષ્ટિ હટાવી હટે ના . . . મંદિર પધારો ...
તમે જઈ વસ્યા સ્વામી ... સ્વરૂપ મહેલમાં
૨ઝળતો રહ્યો છું સંસાર વનમાં
હવે નાથ અંતરથી અળગા થશો ના . . . મંદિર પધારો ...
પ્રભુ અમને તારો . . . ઉગારો બચાવો
મૂકી મસ્તકે હાથ ... પાર ઉતારો
કૃપાવંતને ઝાઝુ કહેવું ઘટે ના . . . મંદિર પધારો ...
અંતરની જ્યોતિ પ્રગટાવી જાઓ
અમી આતમના છલકાવી જાઓ
ક્ષમાવંતને ઝાઝું કહેવું ઘટે ના . . . મંદિર પધારો ...
હરખાતી પળપળ પ્રભુ તમને જોઈ
હવે દિન વિરહના વીતે રોઈ રોઈ
વિયોગનું દુઃખ આવું હશે ના . . . મંદિર પધારો ...
ટિપ્પણીઓ નથી:
ટિપ્પણી પોસ્ટ કરો