Trishla No ladakvayo
ત્રિશલાજીનો લાડકડો ને . . સિદ્ધારથ શણગાર
મહાવીર તારા નામે મારે . . . તરવો છે સંસાર
રાજપાટના સુખ અનેરા . . . તોયે ત્યાગી દીધાં
વનનાં દુઃખડાં હાથે કરીને ... માથે વહોરી લીધાં
હસતાં હસતાં સહન કર્યા તેં પરિષહ પારાવાર ... . મહાવીર .
ભાન ભૂલીને ચંડકૌશિકે ... ડંખ ભયંકર દીધા
બુઝ બુઝના અમૃતવેણે... દુઃખડા સંહરી લીધાં
માવડી થઈ ને પંદર દિવસે ... મોકલ્યો સ્વર્ગ મોજાર ... મહાવીર .
કાળચક્રને મૂક્યું તો યે ... દિલમાં સમતા રાખી
આગ સમા એ સંગમ સામે . ... છાંટ્યું પ્રેમનું પાણી
સંકટોનો સ્વીકાર કરીને . . . . ક્ષમા હૃદય ધરનાર . . . . મહાવીર .
રક્તતણાં આ કણકણમાંહી .... તારું શાસન હોજો
તારા શાસન કાજે . . . મરી ફીટવાની હિંમત દેજો
ભરી ઘો ને રગરગમાંહી ... વીર શાસનનો પ્યાર ... મહાવીર .
ટિપ્પણીઓ નથી:
ટિપ્પણી પોસ્ટ કરો