પ્રભુજી રે ! ભવસાગરમાં

Prabhuji re Bhavsagar Ma Bhamara Bhamara

પ્રભુજી રે ... ભવસાગરમાં ભમતાં ભમતાં 

આવ્યો તારે દ્વારા 

નૈયા પ્રભુ મારી પાર ઉતાર .... ( ૨ ) 

મધદરિયે મારી નાવ અટવાય ... નૈયા પ્રભુ . 

સ્વારથની આ ... દુનિયામાં પ્રભુ 

મુખડું તારું જોયું ... ( ૨ ) 

દાવાનળ નીરખી નીરખીને 

હૈયું મારું રોયું ... ( ૨ ) 

પ્રભુજી રે ... . અંતર કેરી આગ બુઝાવો 

વીનવું છું જિનરાય . . . નૈયા . 

કામક્રોધ માયાના ઝૂલે ... જીવન મારું ઝૂલે 

રંગરાગમાં ભાનભૂલીને ... ચડિયો હું ચગડોળે ... ( ૨ ) 

પ્રભુજી રે ... કૃપા કરીને પાર ઉતારો ... વીનવું છું જિનરાય ... નૈયા . 

ભાવભક્તિરસ પુષ્પો કેરા 

રસથાળ લઈ આવું 

હૈયામાંહી હોંશ ધરીને 

ભક્તિ ગીતો ગાવું 

પ્રભુજી રે . . . . દર્શન દેજો દીનદયાળા 

વીનવું છું જિનરાય ... નૈયા પ્રભુજી .