Tare Dware Aavi Ne Koi
તારે દ્વારે આવીને કોઈ ખાલી હાથે જાય ના
કરુણાનિધાન . . . ( ૨ )
આ દુનિયામાં કોઈ નથી રે તુજ સરીખો દાતાર
અપરંપાર દયા છે તારી , તારા હાથ હજાર
તારી જ્યોતિ પામીને કોઈ અંધારે અટવાય ના . . .
કરુણાનિધાન . . . ( ૨ )
શરણે આવેલાનો સાચો તું છે રક્ષણહાર
ડગમગતી જીવનનૈયાનો તું છે તારણહાર
તારે પંથે જનારો કદીયે ભવરણમાં ભટકાય ના . . .
કરુણાનિધાન . . . ( ૨ )
ખૂટે નહિ કદાપિ એવો તારો પ્રેમખજાનો
મુક્તિનો મારગ બતલાવે , એવો પંથ મજાનો
તારે શરણે જે કોઈ આવે , રંક પણ રહી જાય ના
કરુણાનિધાન . . . ( ૨ ) ૪
ટિપ્પણીઓ નથી:
ટિપ્પણી પોસ્ટ કરો