dukhiya ne aaram thakya ne visram
દુઃખીયાને આરામ થાક્યાને વિશ્રામ
હે પ્રભુ મહાવીર સ્વામી , એક જ તારું નામ
જીવન છે સંગ્રામ ચાલે છે અવિરામ . . . હે પ્રભુ મહાવીર . .
ક્ષણભરનું છે સુખ જગતમાં બાકી દુઃખની છાયા
માટીની છે કાયા તોયે , ના મુકાતી માયા ,
ભટકુ ઠામ ઠામ ખુટે દિલની હામ . . હે પ્રભુ . .
આ ભવસાગર પાર કરૂં હું દેજે એવી શક્તિ
તારું નામ કદીના ભૂલું એળી દેજે શક્તિ
જાગે આતમરામ , પામે અવિચલ ધામ હે પ્રભુ . .
જન્મ અને મૃત્યુની , નિરંતર ફરતી આ ઘટમાલ
પરવશ થઈને ફર્યા કરું છું વીતે અનંતો કાળ
પીવા ઝેરના જામ , ઝેર ભર્યા અંજામ હે પ્રભુ . .
ટિપ્પણીઓ નથી:
ટિપ્પણી પોસ્ટ કરો