Aa Jagni Maya Chhodi Ne
આ જગની માયા છોડીને વૈભવને તરછોડી
જોગી થઈને જાય મહાવીર . . . જોગી થઈને જાય
તનડાના સગપણ તોડી ... મમતાથી મનડું મોડી
જોગી થઈને જાય મહાવીર . . જોગી થઈને જાય
રાજપાટથી પરવારીને વાટ લીધી જંગલની
અંગે અંગે ભરી ભાવના દુનિયાના મંગલની
નારીને એણે વિસારી . . . તજિયા સો સંસારી
... જોગી થઈને જાય .
વનવગડાના ઘોર ભયંકર એણે મારગ વીંધ્યા
હસતે મુખડે કષ્ટ સહીને એણે વિષડાં પીધાં
અન્ન અને જળ ત્યાગી ... એ તો મુક્તિનો અનુરાગી
... જોગી થઈને જાય .
ચંદનબાળા ચંડકોશિયા સહુને લીધા ઉગારી
જીવો અને જીવવા દો મંત્ર રહ્યા લલકારી
સતનું સંગીત ગાયું એણે ... પ્રેમનું અમૃત પાયું
... જોગી થઈને જાય .
ટિપ્પણીઓ નથી:
ટિપ્પણી પોસ્ટ કરો