angana nache mor jain satvan આંગણે નાચે મોર જૈન સ્તવન
હે . . . ચૈત્ર સુદ તેરસની વસંતે , રંગ નવો ઊભરાઈ ગયો
ક્ષત્રિયકુંડ નગરની માંહે , કોયલનો કલશોર થયો .
હે . . . સિદ્ધારથ ને ત્રિશલા હરખે , ત્રણે લોક પ્રકાશ થયો
વિશ્વ ઉદ્ધારક તારકનો ત્યાં , બાળક રૂપે જન્મ થયો
આંગણે નાચે મોર અને ટોડલે બોલે ઢેલ
આમ્રકુંજમાં કોકિલાઓ , ટહુકી કરે ગેલ
સૃષ્ટિ સારી મલકી ઊઠી , પુષ્પો ઠેર - ઠેર
આનંદ આજે ત્રિલોકનો , ઝળકી ઊઠ્યો મહેલ
ભારત ભૂમિનો આજે , સૂરજ ઊગ્યો
ત્રિશલા કૂખે પુત્રનો જન્મ થયો ...
હરખે આજે રાજા ને , હરખે સૌ પ્રજા
બંદીજનો છૂટી ગયા , મળી રે રજા
નારકીના જીવે જાણી , આનંદની લહેર
વીર તારા જનમની , આજ છે રે મહેર
આકાશે તેરસનો ચંદ્ર ઊગ્યો
ત્રિશલા કુખે પુત્રનો જનમ થયો ...
દિકુમારી કરવા આવી , તેમનો વિવેક
દેવો સહુ દોડ્યા મેરુ , કરવા અભિષેક
ચૈત્ર સુદ તેરસની એ હતી મધરાત
ધરતી ઉપર ઊતર્યો મારો ત્રિલોકનો નાથ
ઘર ઘરમાં આનંદનો ઉત્સવ થયો
ત્રિશલા કૂખે પુત્રનો જન્મ થયો ...
ટિપ્પણીઓ નથી:
ટિપ્પણી પોસ્ટ કરો