Shatrunjay Gadh Na Vasi
શેત્રુંજય ગઢના વાસી રે , મુજરો માનજો રે .
સેવકની સુણી વાતો રે , દિલમાં ધારજો રે ,
પ્રભુ મેં દીઠો તુમ દેદાર , આજ મુને ઉપન્યો હરખ અપાર ,
સાહિબાની સેવા રે , ભવદુઃખ ભાંગશે રે ... . ૧
એક અરજ અમારી રે , દિલમાં ધારજો રે .
ચોરાશી લાખ ફેરા રે , દૂર નિવારજો રે ,
પ્રભુ મને દુર્ગતિ પડતો રાખ , દરમિશન વહેલું વહેલું રે દાખ સા . ૨
દોલત સવાઈ રે . સોરઠ દેશની રે ,
બલિહારી હું જાઉં રે , પ્રભુ તારા વેશની રે .
પ્રભુ તારું રૂડું દીઠું રૂ૫ . મોહ્યા સુરનર વૃન્દને ભૂપ . સા . ૩
તીરથ કો નહિ રે , શેત્રુંજય સરિખું રે ,
પ્રવચન પેખીને રે . કીધું મેં પારખું રે
રુષભને જોઈ જોઈ હરખે જેહ . ત્રિભુવન લીલા પામે તેહ , સા . ૪
ભવોભવ માંગુ રે , પ્રભુ તાહરી સેવના રે ,
ભાવઠ ન ભાંગે રે , જગમાં જે વિના રે ,
પ્રભુ મારા પૂરો મનના કોડ , ઈમ કહે ઉદયરત્ન કર જોડ . સા . ૫
ટિપ્પણીઓ નથી:
ટિપ્પણી પોસ્ટ કરો