Kon Kare Kon Kare કોણ કરે કોણ કરે

Kon Kare Kon Kare Kon kare re

કોણ કરે , કોણ કરે , કોણ કરે રે ?

ડૂબતી નૈયાને પાર કોણ કરે રે

શંખેશ્વર દાદા મારા પાર કરે . રે ... ડૂબતી .

એક બાજુ ક્રોધના , બીજી બાજુ માનના

ત્રીજી બાજુ માયાને ... ચોથી બાજુ લોભના

મોજાં ઊછળે ને મારી નાવ ધ્રુજે રે ... ડૂબતી .

દૂર દૂર જાઉં તો દરિયો દેખાયે

ઊંચે તો એકલું આભલું જણાયે

આંખો રડે ને મારી હામ તૂટે રે ... ડૂબતી .

દરિયામાં ભારી તોફાન ઊડ્યું છે

હારીને તુજને સુકાન સોંપ્યું છે

જોજે ના ક્યાંય મારી નાવ ડૂબે રે ... ડૂબતી .

૨ડતે દિલે હું તો કરું કાલાવાલા

પાર ઉતારે મને ઓ રખવાલા

એક જ તારી પ્રભુ આશ હવે છે . ... . ડૂબતી

જગના ભરોસે દુખિયો બન્યો છું .

કર્મોની જાળમાં જકડાઈ ગયો છું .

તારા વિના પ્રભુ મારું કોણ સૂણે રે . ... ડૂબતી .