AJVALA DEKHADO અજવાળાં દેખાડો
અજવાળાં દેખાડો . અંતર દ્વાર ઉધાડો
પ્રભુજી . . . અજવાળાં દેખાડો ...
પ્રભુજી . . . અંતરદ્વાર ઉઘાડો .
કામ ક્રોધ મને ભાન ભુલાવે
માયા મમતા નાચ નચાવે
સત્ય માર્ગ ભૂલી ભટકું છું
રાત સૂઝે ના દહાડો . . પ્રભુજી .
વિપદાના વાદળ ઘેરાતા
મને અશુભ ભણકારા થાતા
ચારે કોર સંભળાતી મુજને
આજ ભયંકર રાડો . . . . પ્રભુજી .
નરક નિગોદથી તેં પ્રભુ તાર્યો
અનંત દુઃખોથી મુજને ઉગાર્યો
એક ઉપકાર કરો હજી મુજ પર
જનમ મરણ ભય ટાળો ... પ્રભુજી .
જન્મ જીવનના તમે છો ત્રાતા
તમે પ્રભુ મારા ભાગ્ય વિધાતા
એક ઉપકાર કરો હજી મુજ પર
નહિ ભૂલું ઉપકારો . . પ્રભુજી .
ટિપ્પણીઓ નથી:
ટિપ્પણી પોસ્ટ કરો